Waar private Institute

پەیمانگەها وار ئێکەم پەیمانگەهە ل سەر ئاستێ ئیدارا سەربەخویا زاخۆ لسالا (٢٠١٩)ێ هاتییە دامەزراندن، ئەڤ پەیمانگەهە تایبەتە ب دەرچوویێن پۆلا (٩)ێ بنەڕەت، هەر دەستپێکا ئەڤێ پەیمانگەهێ هەر (٣) پشکێ (کۆمپیۆتەر - کارگێری - ژمێریاری) هاتینە ڤەکرن. پشتی ئەوێ کو سەدان کوڕ و کچێن باژێڕێ زاخۆ سەرەدانا باژێڕێ دهوکێ دکرن بۆ تەمامکرنا خواندنا خۆ بۆ بدەستڤەهینانا باوەرناما دبلۆمێ، ئەڤە ژی بوویە ئەگەرێ بارگرانیێ بۆ ئەڤان قوتابییان ژلایێ ئابووری و سلامەتییا هاتن و چوونێ و نەبوونا پەیمانگەهەکا تایبەت ب دەرچوویێن پۆلا (٩) بنەڕەت، لەورا مە هزر ل ڤەکرنا ئەڤێ پەیمانگەهێ کر. بۆ سالا خواندنێ (٢٠٢٢-٢٠٢٣) ئاڤاهیەکێ نۆی و مودرێن و سەردەمیانە مە ئاڤاکر کو پێکدهێت ژ (تاقیگەهێن کۆمپیۆتەری، هۆلەکا مەزن بۆ چالاکییان، پەرتووکخانە و کافتیریا ئانکو جهەکێ خۆش و ئارام بۆ بێهنڤەدانا قوتابییان.....هتد).